ગાંધીધામઃ પૂર્વ કચ્છ એસ.ઓ.જી. અને ગાંધીધામ ‘બી’ ડિવિઝન પોલીસે પડાણા ગામની સીમમાંથી એક યુવકને ગેરકાયદેસર દેશી બંદૂક સાથે ઝડપી પાડ્યો છે. એસ.ઓ.જી. કોન્સ્ટેબલ પ્રકાશકુમાર દવેને મળેલી માહિતી આધારે 
પડાણાથી સીમ તરફ જતા રસ્તે ચાની દુકાન નજીક બાવળોની ઝાડીમાં તપાસ કરવામાં આવી હતી. આ દરમિયાન મુકનદર દાઉદભાઈ ગંઢ (ઉ.વ. ૨૨, રહે. પડાણા) પાસે કોઈ પણ પાસ-પરમિટ વગરની હાથ બનાવટની એક દેશી બંદૂક (અગ્નિશસ્ત્ર, કિંમત રૂ. ૫,૦૦૦) મળી આવી હતી. પોલીસે બંદૂક જપ્ત કરી આરોપી સામે આર્મ્સ એક્ટ ૨૫(૧-બી)એ તથા જી.પી. એક્ટ કલમ ૧૩૫ મુજબ ગુનો નોંધી તેની અટકાયત કરી છે.