૨૨ નવેમ્બરથી બે દિવસીય મુસાફરી સેવા શરૂ થશે : ગુજરાતના અનેક સ્ટેશનોને જોડતી ટ્રેનથી મુસાફરોને રાહત
અમદાવાદ-કચ્છઉદય : લાંબા અંતરની ટ્રેનોમાં મુસાફરોનો ધસારો વધતાં રેલવે દ્વારા અમદાવાદ અને બરૌની વચ્ચે વિશેષ ટ્રેન ચલાવવાનું નક્કી કરાયું છે. મુસાફરોને સરળતાથી મુસાફરીની સુવિધા મળી રહે તે માટે ટ્રેન નંબર ૦૫૨૨૫-૦૫૨૨૬નું એક ફેરાનું સંચાલન કરવામાં આવશે.બરૌનીથી અમદાવાદ આવતી વિશેષ ટ્રેન ૨૨ નવેમ્બરના રોજ રાત્રે ૧૧ વાગ્યે ઉપડશે અને ૨૪ નવેમ્બરના રોજ સવારે ૧૦ વાગ્યે અમદાવાદ પહોંચશે. જ્યારે અમદાવાદથી બરૌની જતી ટ્રેન ૨૪ નવેમ્બરના રોજ બપોરે એક વાગ્યે પ્રસ્થાન કરી ૨૬ નવેમ્બરના રોજ રાત્રે ત્રણ વાગ્યે બરૌની પહોંચશે.મુસાફરી દરમિયાન બંને દિશામાં સમસ્તીપુર, મુઝફ્ફરપુર, હાજીપુર, સોનપુર, પાટલીપુત્ર, દાનાપુર, આરા, બક્સર, પંડિત દીનદયાળ ઉપાધ્યાય, પ્રયાગરાજ છિક્કી, માણિકપુર, સતના, કટની મુડવારા, દમોહ, બીના, વિદિશા, સંત હિરદારામ નગર, ઉજ્જૈન, નાગદા, રતલામ, દાહોદ, ગોધરા, છાયાપુરી અને આણંદ સ્ટેશનો પર રોકાણ રહેશે. આ વ્યવસ્થાથી ગુજરાત સહિત વિવિધ વિસ્તારોના મુસાફરોને મુસાફરીમાં સુગમતા મળશે.વિશેષ ટ્રેનમાં શયનયાન અને સામાન્ય શ્રેણીના કોચ ઉપલબ્ધ રહેશે. અમદાવાદથી બરૌની જતી ટ્રેનનું આરક્ષણ ૨૨ નવેમ્બરના રોજ સવારે ૮ વાગ્યાથી શરૂ થશે. મુસાફરો સમયપત્રક અને સ્ટોપેજની વધુ માહિતી ભારતીય રેલવેની સત્તાવાર વેબસાઇટ પરથી મેળવી શકશે.

ટિપ્પણીઓ
હજુ કોઈ ટિપ્પણી નથી. પહેલી ટિપ્પણી તમે લખો.