સુરતની લાજપોર જેલમાં ધકેલાયો
ભુજ - કચ્છઉદય : ભુજમાં અનેક અસામાજિક પ્રવૃત્તિઓમાં સંડોવાયેલા અને વિવિધ ગુનાઓમાં પોલીસ ચોપડે ચડેલા શખ્સ સામે પશ્ચિમ કચ્છ ભુજ લોકલ ક્રાઈમ બ્રાન્ચ દ્વારા પાસા હેઠળ કડક કાર્યવાહી કરવામાં આવી છે. ભુજના ખોજા ચોક, સંજોગનગર વિસ્તારમાં રહેતા સાહિલ દાઉદ અજડીયા (ઉં.વ. ૩૩) વિરુદ્ધ મુંદરા, ભુજ શહેર, ભુજ સીટી, માંડવી અને માનકુવા સહિતના પોલીસ સ્ટેશનોમાં કુલ ૨૮ જેટલા ગંભીર ગુનાઓ નોંધાયેલા છે. જાહેર જનતામાં ગેરકાયદેસર અને અસામાજિક પ્રવૃત્તિ ફેલાવતા આ ઈસમ સામે પોલીસ ઈન્સ્પેક્ટર એ.એમ. મકવાણાના સુપરવિઝન હેઠળ પાસા દરખાસ્ત તૈયાર કરીને મોકલવામાં આવી હતી. જિલ્લા મેજિસ્ટ્રેટ અનિલ રાણાવાસિયા દ્વારા પાસા હેઠળ અટકાયત કરી સુરતની લાજપોર મધ્યસ્થ જેલ ખાતે મોકલી આપવાનો હુકમ કરાતા એલસીબી સ્ટાફે આરોપીને ઝડપી લઈ જેલ હવાલે કરવાની તજવીજ હાથ ધરી છે.

ટિપ્પણીઓ
હજુ કોઈ ટિપ્પણી નથી. પહેલી ટિપ્પણી તમે લખો.