જાનથી મારી નાખવાની ધમકી આપનાર આરોપી સામે ગુનો નોંધાયો

માંડવી - કચ્છઉદય : માંડવી શહેરના નગરપાલિકા વાળી શેરીમાં આવેલ રફીકભાઈની મેમણ ટી હાઉસ પાસે દારૂ પીવા અંગેની જૂની બોલાચાલીનું મનદુઃખ રાખી એક યુવક પર છરી વડે જીવલેણ હુમલો કરવામાં આવ્યો હોવાની ઘટના સામે આવી છે.માંડવીના આઝાદ ચોક, કુંભાર શેરીમાં રહેતા અને પ્રાઇવેટ નોકરી કરતા સમીર ઇબ્રાહીમ કુંભાર (ઉં.વ. ૨૪) નામના યુવકે પોલીસ સ્ટેશનમાં ફરિયાદ નોંધાવી છે. તા. ૧૪/૮ ના રાત્રિના સાડા દસ વાગ્યાના અરસામાં આરોપી અસગરઅલી ઉર્ફે ગજની ઓસમાણગણી મીયાણા (રહે. માંડવી) એ અગાઉ દારૂ પીવા બાબતે થયેલી બોલાચાલીનું મનદુઃખ રાખી સમીર સાથે ગાળાગાળી કરી હતી. ત્યારબાદ જાનથી મારી નાખવાના ઇરાદે છરી વડે હુમલો કરી સમીરને છાતી પર ડાબા ખભાની બાજુમાં ગંભીર ઇજા પહોંચાડી હતી તેમજ જાનથી મારી નાખવાની ધમકી આપી હતી. આ બનાવ અંગે માંડવી પોલીસે આરોપી સામે ગુનો નોંધી આગળની તપાસ માંડવી પોલીસ સ્ટેશનના પીઆઈ સી.વાય. બારોટ ચલાવી રહ્યા છે.