નખત્રાણા - કચ્છઉદય :  નખત્રાણા સ્માર્ટ પોલીસ સ્ટેશનની ટીમે કાર્યવાહી કરીને વિદેશી દારૂ તથા નશાયુક્ત કેફી પીણાંના જથ્થા સાથે એક આરોપીને પકડી પાડ્યો છે.આ અંગે પોલીસ તરફથી મળતી માહિતી મુજબ, નખત્રાણાના ગણેશનગર વિસ્તારમાં રહેતા દિનેશ લાલજી ગોરડીયા નામના શખ્સની ધરપકડ કરવામાં આવી છે. પોલીસે દરોડો પાડીને તેની પાસેથી માત્ર રાજસ્થાનમાં જ વેચાણ માટે મંજૂર થયેલી ઓરેન્જ હિલ વોડકાની ૪૫ કાચની બોટલો કિંમત રૂ. ૨૪,૭૫૦,  કિંગફિશર સુપર સ્ટ્રોંગ પ્રીમિયમ બીયરના ૯૬ ટીન કિંમત રૂ. ૧૦,૫૬૦ તેમજ નશાયુક્ત કેફી પીણાંની ૨૦૦ પ્લાસ્ટિકની બોટલો કિંમત રૂ. ૩૦,૦૦૦ મળીને કુલ રૂ. ૬૫,૩૧૦નો પ્રોહિબિશન મુદ્દામાલ જપ્ત કર્યો છે. આ સફળ કામગીરી નખત્રાણા પીઆઇ એ.એમ. પટેલના માર્ગદર્શન હેઠળ એ.એસ.આઈ. જયંતીભાઈ માજીરાણા, સબીરઅલી બાયડ, પોલીસ હેડ કોન્સ્ટેબલ મોહનભાઈ આયર, નરેન્દ્રસિંહ સોઢા, મોહનભાઈ ગઢવી તથા મીતકુમાર પટેલ દ્વારા કરવામાં આવી હતી. પોલીસે આરોપી વિરુદ્ધ ગુનો નોંધી આગળની કાયદેસરની કાર્યવાહી હાથ ધરી છે.