કચ્છ ઉદય

કચ્છ કાંઠે કંઈક તો રંધાઈ રહ્યું છે.! ATS ની ટુકડી મધરાતે ત્રાટકી : ૩ શખ્સોને ઉઠાવી જતા હડકંપ

03 July , Wednesday

રથયાત્રા પૂર્વે કોઈ મોટા ષડયંત્રની ગંધ તો નથી ને..?

નાપાક મુલકને અડીને આવેલ આતંરરાષ્ટ્રીય સરહદ ધરાવતા કચ્છ જિલ્લામાં આંતકવાદ વિરોધી ટુકડીએ ગત રાતે તવાઈ બોલાવી અને એક શખ્સ મુંદરામાંથી અને એક લખપત પટ્ટામાથી મળીને કુલ્લ ત્રણ શખ્સોને ઉપાડયા : નાપાક હલચલ-જાસુસીકાંડ-સલમાનખાન ઘર હુમલા કેસ હથિયાર સપ્લાયમાં કડી કે પછી કેરળ-રાજસ્થાનના સંદિગ્ભ મેળાવડાઓમાં હાજરી સંદર્ભે કરાઈ
રહી છે પુછતાછ? : છેવાડાના સરહદી વિસ્તારોમાંથી ઉઠતા તહેર તરેહના સવાલો

ઉઠાવાયા તો છથી આઠ હતા, પાંચેકને છોડી દેવાયાની ચર્ચા : કોઈ રાજકિય દબાણ કામ કરી ગયુ કે પછી પ્રાથમિક પુછતાછમાં જ એટીએસને થઈ ગયો સંતોષ : લખપતમાંથી ઉઠાવાયેલા શખ્સની કોઈ રાજકિય કડી તો નથી ને?

પાકીસ્તાનમાં સતત કોલ કરનાર એક વિદેશી વ્યકિતને મુંદરામાંથી એજન્સીએ ઉઠાવ્યો હોવાની ચર્ચા

મુંદરામાથી ઉઠાવાયેલ વ્યકિત અને સરહદી લખપતમાંથી ઉઠાવાયેલા બે શખ્સો એક જ ઓપેરેશન તળે છે કે, બન્ને અલગ અલગ કારસ્તાનને અંજામ આપતા હોવાની આશંકાએ કરાઈ છે અટક?

ગાંધીધામ :ગુજરાત રાજય આતંકવાદ વિરોધ દળની ટુકડી ત્રાટકી અને કચ્છમાં છેવાડાના સરહદી લખપત વિસ્તારમાથી થતા મુદરા જેવા ધમધમતા શહેરના ગ્રામીણ પટ્ટામાથી મળીને ત્રણ શખ્સોને ઉઠાવી જતા આંતરીક રીતે હડકંપ મચી જવા પામ્યો છે. સરહદી ક્ષેત્રના જાણકાર સુત્રોમાથી મળતી માહીતી અનુસાર આતંકવાદ વિરોધી દળ એટલેકે એટીએસની ટુકડી ગત રોજ કચ્છમાંથી ત્રણ જેટલા શખ્સોને પુછતાછ માટે ઉપાડી ગઈ છે. એક શખ્સ મુંદરા વિસ્તારના ગ્રામીણ પટ્ટાનો હોવાનુ મનાય છે તો વળી બાકીના બે શખ્સો લખપત સરહદી ક્ષેત્રને અડીને આવેલા કોઈ ગામમાથી ઉપાડયા હોાવની વાત સામે આવી રહી છે. આતંકવાદ વિરોધ દળની ટુકડી આમ તો કચ્છમાં સમયાંતરે ત્રાટકતી રહે છે અને નાપાક હરકતો અથવા તો ડ્રગ્સકાંડને લઈને જોડાયેલા તત્વોની પુછતાછ કરતી હોય છે પરંતુ આ વખતે એટીએસની ટુકડી કચ્છના કેટલાક શખ્સોની ભેદી હિલચાલ પર પાછલા એકાદ પખવાડીયા કરતા વધુ સમયથી બાજ નજર રાખીને બેઠી હતી અને તેની કડીબદ્ધ રીતે સર્વેલન્સ કરી આ શખ્સોને ઉઠાવાયા હોવાથી કચ્છ સરહદે બધુ જ સમુસુંતરુ નથી, કચ્છ કાંઠે બધુ જ બરાબર નથી તેવી આલબેલ પણ સરહદી ક્ષેત્રના જાણકારો કહી રહ્યા છે. ત્રણ શખ્સોને એટીએસ દ્વારા ઉઠાવાયા છે તેમાં કઈ કડી કામ કરી ગઈ છે તેને લઈને પણ તરેહ તરેહની ચર્ચાઓ સામે આવી રહી છે. જાણકારો કહી રહ્યા છે કે, સલમાનખાન ઘર ફાયરીગ અને તેની હત્યાનુ કાવતરા તથા તેના શાર્પશુટર્સ કચ્છના લખપતના છેવાડાના ગામમાથી જ ઝડપાયા હતા અને હથિયારો સામેપારથી સપ્લાય થયાનો ખુલાસો થયો છે ત્યારે આ કેસમાં વધુ કોઈ કડીબદ્ધ રીતે તપાસ એટીએસ કરી છે, કે પછી થોડા સમય પહેલા જ રાજસ્થાનમાં પણ કેરળ સહિત દેશ-દુનીયાના કઈક મોટામાથાઓ કહી શકાય તેવા તત્વોના મેળાવડા સમાન કાર્યક્રમ યોજાયો હતો અને તેના પર એજન્સીઓએ રાખેલી વોચ બાદની કોઈ કડી કચ્છમાંથી હાથ લાગી ગઈ છે કે શું? સમગ્ર વાસ્તવિકતા તો કદાચ એટીએસની જીણવટભરી પુછતાછ બાદ જ આવશે પરંતુ અમદાવાદમાં આગામી ૭મી જુલાઈ અષાઢી બીજના રોજ યોજનારી ભવ્ય રથયાત્રા પહેલા કેાઈ મોટા ષડયંત્રને અંજામ આપવાની દીશામા કાઈ કારસો ઘડાયો હોય અને તેની કડી કયાંક આ ત્રણ શખ્સો સાથે તો નથી મળતી ન? આવા એંગલની પણ ચર્ચાઓ હાલતુરંત થવા પામી રહી છે. સત્ય જે હોય તે પરંતુ કંઈક મોટું રંધાઈ રહ્યુ હોય તેવી ગંધ જાણકારવર્ગમાં ફેલાતી જોવાઈ રહી છે.

......

સંવેદનશીલ પશ્ચીમ કચ્છ એસપીની ખાલી જગ્યા
ભરવા રાજકીય જગત કેમ ન આવે આગળ?

પાકીસ્તાનની સરહદને અડીને આવેલા તથા જળ-ભુમી અને હવાઈ આંતરરાષ્ટ્રીય સરહદ જે જિલ્લો ધરાવી રહ્યો છે તે પોલીસ વડાની દ્રષ્ટીએ ચાલી રહ્યો છે ઈન્ચાર્જના ભરોસે : કચ્છનો ભુગોળ ખુબજ વિશાળ છે, પૂર્વ કચ્છના અધિકારીને પશ્ચીમ કચ્છની જવાબદારી સંભાળવી બનીજાય છે ખુબજ કપરી : વેળાસર જ નિયુકિત માટે સરકારનું દોરવુ જોઈએ ધ્યાન

ગાંધીધામ : કચ્છ આંતરરાષ્ટ્રીય સરહદ ધરાવતો જિલ્લો છે. અહી પશ્ચીમ છેવાડો વાયુ, ભુમી અને જળ સરહદી પાકીસ્તાનને અડીને આવેલી છે. સામેપારથી આ વિસ્તારમાં હમેશા મોટા છમકલાઓને અંજામ અપાતો જ રહે છે. દરમ્યાન જ ગઈકાલે એટીએસ જેવી એજન્સીએ કચ્છમાથી મુંદરા અને લખપતના છેવાડાના પટ્ટામાથી કુલ્લે ત્રણ શખ્સોને ઉપાડીને પુછતાછ શરૂ કરી દીધી છે ત્યારે વધુ એક વખત સરહદી ક્ષેત્રના જાણકારો કહી રહ્યા છે કે, આ વિસ્તારો ખુબજ સંવેદનશીલ છે. અહી એજન્સીની સાથે જ પોલીસતંત્રની કામગીરી પણ મહત્વપૂર્ણ બની રહી છે પરંતુ હાલમાં પશ્ચીમ કચ્છ એસપીની જગ્યા તો ખાલી જ પડી છે. મહેન્દ્ર બગડીયાની રાજકેાટમાં બદલી થયા બાદ અહી એસપીની નિયુકીત થવા પામી નથી. હવે વેળાસર જ આ જીલ્લામાં સરહદી ક્ષેત્રના જાણકારને મુકવા માટે જિલ્લાનુ રાજકીય જગત આગળ આવે તે જ સમયનો તકાજો બની રહ્યો છે.

..........

કચ્છ કલેકટરશ્રીએ સ્થાનિક એજન્સીઓનો
તત્કાલ બેઠક યોજી લીધો કડક કલાસ..!

બીએસએફના કમાન્ડર, કચ્છ બોર્ડર રેન્જના વડા ઉપરાંતના સુરક્ષા-ગુપ્તચરતંત્રોની સાથે યોજાઈ સમીક્ષાત્મક બેઠક : નેટવર્ક, સોર્સ વધારે સાબદા કરવા ,સંકલન વધારવાની દીશામાં મુકાયો ભાર

ગાંધીધામઃ સરહદી કચ્છમાં એટીએસની ટીમાો ત્રાટકતા સ્થાનિક પ્રશાસનમાં પણ એકાએક જ દોડધામની સ્થિતી હોવાના અહેવાલો સામે આવવા પામી રહ્યા છે. એટીએસ દ્વારા ત્રણ શખ્સોને ઉઠાવાયા છે તે બાદ કચ્છ કલેકટરશ્રી પણ એકશનમાં આવી ગયા હોય તેમ તાબડતોડ તેઓએ બીએસએફના કમાન્ડર તથા કચ્છ બોર્ડર રેન્જના અધિકારીઓ સહિતની એજન્સીઓની સાથે તાબડતોડ બેઠક યોજી હતી અને સીમાવર્તી કચ્છના છેવાડાના વિસ્તારમાં ચાંપતી નજર રાખવા, સોર્સ વધારવા, એજન્સીઓએ પરસ્પર સંકલન વધારવા સહિતના મામલે કડક સુચનો આપ્યા હોવાનુ મનાઈ રહ્યું છે.

........