ભુજની જદુરા સીમમાં અંજારના અબ્બાસ-મનીષ-રઝાકની મસમોટી જુગાર કલબ ધમધમી :ખાખીમાંથી કોની મંજુરી ?
ધીરે ધીરે બોલ કોઈ સુનના લે..સુનના..લે..કોઈ સુનના લે..!
પશ્ચીમ કચ્છ પોલીસની ખાસ શાખાની મંજુરી લીધી હોવાનો સંચાલકોનો દાવો : અમારો કોઈ વાળ પણ વાંકો નહી કરી શકે, અમારી આ કલબમાં બિનધાસ્ત થઈને રમવા આવો..ઃ અંજારના અબ્બાસે ભુજના મનીષને જુગાર કલબ ચલાવવાની સોપી છે જવાબદારી : મનીષ અગાઉ પાલારા સીમમાં ચલાવતો હતો જુગાર કલબ
જીલ્લા આખાયની સૌથી મોટી કરોડોની હાર-જીત થતી જુગાર કલબ શરૂ : ખેલીઓના રોજ-જામતા જમાવડાં
ભુજનો રઝાક ક્રીકેટ સટ્ટામાં પણ ધરાવે છે સારી હથરોટી !
ભુજના નાગોર સીમાડામાં એકાદ માસ પૂર્વે ચીટીંગથી ચાલતી જુગારમા ચીટરો સાથે આદિપુરના કુખ્યાત જુગાર સંચાલક અશ્વીની ની થઇ હતી ભારે ચક મક
ગાંધીધામ : એકતરફ ગુજરાત સરકાર અને ગૃહવીભાગ તથા રાજય પોલીસતત્ર ડ્રગ્સ સહિતના અસામાજીક દુષણોને ડામવાની દીશામાં અથાગ પ્રયાસો કરી રહ્યા છે તેવામાં બીજીતરફ યુવાનો અને સામાન્ય લોકોના જીવનને તબાહ કરી નાખતા જુગારના દુષણ કચ્છમાં ફુલવા ફાલવાની શરૂઆત થઈ ચૂકી હોય તે અનુસારની ગંધ સામે આવવા પામી રહી છે. આ બાબતે જાણકારોની વાત માનીએ તો જિલ્લા વડામથક ભુજ ખાતેના હરિપર રોડથી સહેજ આગળ જતા જદુરા સીમ વિસ્તારમાં ધુનારાજા ડેમ પટ્ટાની આજુબાજુમાં અંજારના કુખ્યાત જુગાર સંચાલકોએ પડાવ નાખી અને મોટપાયે જુગારની કલબનો ધમધમાટ શરૂ કરી દીધો છે. અંજારના ચીટર અબ્બાસ તરીકે ઓળખાતા શખ્સે ભુજના મનીષને આ જુગાર કલબમાં સાથે રાખી અને અહી દિવસ-રાત ર૪ કલાક ધમધમતી મસમોટી જુગાર કલબ શરૂ કરી દીધો હોવાનુ મનાય છે. આ મામલે ચર્ચાતી વિગતો અનુસાર જુગાર કલબમા હજારો-લાખો નહી પણ કરોડોની હારજીત થતી હોય તેવા પડ મંડાઈ રહ્યા છે. અંજારનો અબ્બાસ ચીટ્ટર ખુલ્લેઆમ ખેલીઓને કહી રહ્યો છે કે, તમે બિનધાસ્ત થઈને અહી રમવા આવો, તમારૂ કોઈ નામ નહી લે, મે ખાખીધારીઓની મંજુરી લીધી છે અને માંગ્યા હપ્તાઓ હુ તેમને આપી રહ્યો છે, એટલે મારો કોઈ વાળ પણ વાકો નહી કરી શકે. આ જુગાર કલબને બંધ કરાવી તો શુ પણ આ તરફ જોવાની પણ કોઈ હિમંત નહી કરે. અને ખરેખર જે રીતે પાછલા પખવાડીયા એટલે કે પંદર દીવસથી આ સીમાડામાં ખેલીઓની અવરજવર જોવાઈ રહી છે તે જોતા અબ્બાસ જે શેખી મારી રહ્યો છે તે સાચી પણ જણાઈ રહી છે. કારણ કે આટલી મોટી જગાર કલબ શરૂ થાય, મોટી માત્રામાં ખેલીઓની આવનજાવન રહેતી હોય અને તે ખાખીધારીઓથી અજાણ રહી જાય તે વાત કોઈ માની શકે નહી? ખરેખર આ બાબતે ઉચ્ચસ્તરેથી તપાસ કરવી જોઈએ કે, આવી મોટી કરોડોના પડ મંડાતી જુગાર કલબની મંજુરીઓ આપી છે કોણે?
.......
થોડા સમય પહેલા જ ભુજનો બુકી હિરેન
૧ કરોડ ૩ર લાખની ઠગાઈમાં આવી ગયો!
બે-પાંચ દિવસ પહેલા જ ભુજના પરેશને જુગાર સંચાલક ચીટ્ટર અબ્બાસ ટોળકીએ પ૦ લાખમાં ઉતારી દીધો : જુગારના નામો ચોકકસ વર્ગના
લોકોને ચીટીંગનો ભોગ બનાવી આર્થીક રીતે તબાહ કરવાનું કારસ્તાન
ગાંધીધામ : અંજારના ચીટ્ટર અબ્બાસ અને તેનો પાર્ટનર ભુજનો મનીષ જુગાર કલબ ચલાવી રહ્યા છે તેની સાથે જ ચોકકસ વર્ગના ખેલીઓ-લોકોને તાર્ગેટ બનાવી અને તેમની સાથે મોટી-તગડી રકમની ચીટીંગ કરીને મને તબાહ કરવાનુ પણ કારસ્તાન ચલાવી રહ્યા હોવાની ગંધ સામે આવવા પામી રહી છે. જાણકારો કહી રહ્યા છે કે, બે-ચાર દિવસ પહેલા જ ભુજના પરેશ નામના એક યુવાન અહી જુગાર કલબમાં રમવા ગયો હતો. તેને પણ અબ્બાસ આણી ટોળકીએ પ૦ લાખમાં નવડાવી દીધો છે તો વળી તેનાથી પહેલા થોડા સમય અગાઉ ભુજના હીરેન નામના એક બુકીને પણ આ જુગાર કલબ સંચાલકોએ ચીટીગં કરી અને ૧ કરોડ ૩ર લાખ જેવી મોટી રકમનો ફટકો પાડી દીધો છે. દબાણવશ થઈઅને બુકી હીરેને તે રકમ આ શખ્સોને આપી પણ દીધી છે. ખરેખર વિચાર તો કરો, જુગાર સંચાલકો, જુગાર કલબના નામે ખેલીઓને બોલાવી અને તેમની સામે આટલી મોટી તોડ કરી રહ્યા હોય અને તે પણ કોઈ એક જ વર્ગને નિશાન બનાવતા હોય તો એ ખુબ જ ગંભીર વાત જ કહી શકાય તેમ છે.
એકાદ પખવાડીયામાં ભુજના કઈક સારા-સારા લોકોને રપ-પ૦ લાખથી કરોડના આર્થિક ધુમ્બાઓ ચીંટીગ કરીને ચીટર અબ્બાસ ટોળકી પાડી દીધા છે : કેટલાક તો કચ્છ મુકીને અમદાવાદમાં આશરો લઈ લીધો
.......
પપ્પુ-રજાકબુકી-હનીયો (મુંડીનો ભાઈ) ખેલે છે ખેલ..!
ગાંધીધામ : ભુજમાં અગાઉ દેશીદારૂ અને જુગારના મામલે ભારે ચર્ચામા રહેલ ઈબ્રાહીમ મુંડી હાલમાં તો કચ્છ છોડીને મુંબઈ તરફ નાશી ગયો છે અને ત્યા જુગારમાં હાથ અજમાવી રહ્યો હોવાનુ મનાય છે પરંતુ તેનો ભાઈ હનીયો ભુજના જદુરા સીમમાં ચાલતી આ કલબમાં ખેલ ખેલી રહ્યો હોવાનુ મનાય છે. આ ઉપરાંત પપ્પુ અને ભુજનો બીજો કુખ્યાત બુકી રજાક પણ અહી ખેલી રહયા હોવાનું કહેવાય છે. આ બધાય અંજારના અબ્બાસના ઈશારે જ લોકોની સાથે ચીટીંગ કરવામાં પણ જોતરાયેલા જ હોવાનુ ચર્ચાય છે.
......
ખેલીઓના વાહન જયા રખાય છે તે મામદ વાડાવાળો છે કોણ ?
ગાધીધામ : ભુજના હરીપર રોડ પરથી આગળ તરફ જતા જદુરા સીમમાં જે જુગાર કલબ ચાલી રહી છે ત્યા લેવા લઈ જવા અને મુકવાની પણ સંચાલકોએ વ્યવસ્થાઓ કરેલી હોવાનુ મનાય છે. લાખોના જ પડ અહીમડાય છે તો ખેલવા આવનારા પણ એવા જ હોય, એટલે મોટાભાગના ફોર વ્હીલરથી અહી આવતા હોયછે અને તેઓના ફોરવ્હીલરને મામદના વાડામાં મુકી દેવામા આવે છે. અને ત્યાથી આ ખેલીઓને અબ્બાસ-મનીશની ટોળકી ટુ વ્હીલરમાં જુગાર રમવાના સ્થળ સુધી લઈ જતી હોવાનુ ચર્ચાય છે.
.........
ચીટ્ટર અબ્બાસ ટોળકી આવી રીતે જુગારમાં કરે છે ચીટીંગ..!
ભુજ સમીપેની જદુરાસીમમાં જ નહી અન્યત્ર પણ આ અબ્બાસ-મનીષ જુગાર રમાડે તો ખેલીઓએ ત્યા જતા પહેલા ૧૦૦ વાર કરવો જોઈએ વિચાર..!
ગાંધીધામ : ભુજ સમીપે શરૂ થયેલી જુગારમાં ન માત્ર ધાણીનો જુગાર રમાડાયા છે બલ્કે તેમાં અંજારના ચીટ્ટર અબ્બાસ, ભુજનો મનીષ અને બુકી રજાક સહિતના અઠંગ તત્વો ચીટીંગ પણ કરી રહ્યા છે અને ધાણીમાં લોહચુબંક લગાડી અને ખેલીઓને લાખોની રકમમા નવડાવી રહ્યા હોવાનુ મનાય છે. સામેવાળાને ખબર પર ન પડે તે રીતે અબ્બાસગેગ જુગારમાં ચીટીંગ કરી અને સામેવાળાને રપ-પ૦ લાખથી દોઢ કરોડ સુધીના શીશામાં ઉતારી રહ્યા છે. એટલે ખેલીઓએ પણ આ અબ્બાસની જુગાર કલબમાં જતા પહેલા સો વાર વિચાર કરવો જોઈએ.
Comments