અંજારમાં ખાખીની ધાકના ધજાગરા : માથાભારે તત્વોનો આતંક
રોક શકો તો રોક લો : શિરજોરોનો ખુલ્લો લલકાર..!
વરસામેડીમાં ખનીજચોરી કરનારાઓનો સરકારીકર્મીઓ પર હિચકારો હુમલો કરવાની ઘટના : કાયદાને એક પછી એક પડકારતા કારનામાઓ અંજાર વિસ્તારમાં ખુલતા ધરાઈ રહી છે લાલબત્તી
અંજાર વિસ્તારમાં સમીસાંજે આજથી ત્રણ વર્ષ પહેલા પણ એક વેપારીની આંખમાં મરચું છાંટીને ૬ર લાખની રોકડ, સોનાની ચેઈનની લુંટ કરાઈ હતી, તેમાં લુંટમાં હંકારી ગયેલ સ્વિફટ કાર તે વખતે નાનીચીરઈ પાટીયા પાસેથી મળી આવી, પરંતુ તે બાદ એક ફુટ્ટી કોડી પણ હાથ ન લાગી, સોનાની ચેઈન પણ ન મળી, આરોપીઓના સગડ મળવાની વાત જ વિસરાઈ ગઈ, જેના વચ્ચે પોલીસ અમારા પ્રયાસો ચાલુ છે, ચાલુ છેના રટણ કરતી રહી અને હવે એ જ અંજાર શહેરમાં ૪૦ લાખની બીજી લુંટની ઘટનાને અપાઈ ગયો અંજામ : આ કેસમાં પણ પોલીસ કડકાઈ દાખવશે કે પછી પ્રયાસો ચાલુ જ હોવાનુ રટણ કરી, સમય વીતાવી અને વાતને પણ અગાઉના કેસનીમાફક જ ભુલાવી દેવાશે..
ગાંધીધામ : પૂર્વ કચ્છના ઐતીહાસીક શહેર અંજારમાં ખાખીની ધાક ઓસરી જવા પામી હોય તેવી રીતે કાયદો અને વ્યવસ્થાની આબરૂનું સરેઆમ લીલામી કરતી ઘટનાઓ એક પછી એક સતત બનવા પામી રહી છે. અંજારમાં કાયદાના રક્ષકોને જાણે કે, તેમની ઢીલાશનો ગેરલાભ લેનારા શિરજોર અનેમાથાભારે શખ્સો દ્વારા ખુલ્લો લલકાર જ આપવામાં આવ્ય હોય કે, રોક શકો તો રોક લો. તે રીતે અહી કયારે અંજાર પટ્ટામાથી આવેલી હોટેલોમાં લાખા જેવા શખ્સોના ભંગાર ચોરીના મોટા પ્રકરણોનો ખુલાસો થવા પામી રહ્યો છે તો વળી બીજીતરફ અંજારની સરહદમાં જ આવતા ગ્રામીણ પટ્ટાઓમાં ભરત અને નટુ જેવાઓના તેલચોરીના અડ્ડાઓ ખુલ્લેઆમ ધમધમતા શરૂ થવા પામી જાય છે. અહીની સ્થાનિક પોલીસ એટલી હદે કુંભકર્ણિ નીંંદ્વારા અથવા તો ગુનાહિત લાપરવાહી જ દાખવી રહી છે કે, અખબારમાં આ બાબતે અહેવાલો મોટા મથાડાઓ સાથે નામ-ઠામ સાથે રજુ કરવામા આવ્યા બાદ પણ કોઈ જ કામગીરી કરી શકતુ નથી અથવા તો કરતુ જ ન હોય તેમ અહીથી તેલના અડ્ડાઓ પણ પૂર્વ કચ્છ એલસીબીને ત્રાટકવાની ફરજ પડી અતી હોય છે.
આવા ગંભીર પ્રકારના આયોજનબદ્ધ અસામાજીક કૃત્યો તો અહી ધમધમી જ રહ્યા હતા તે વચ્ચે જ હવે સામાન્ય જન પ્રજાજનો અને અહીના વેપારીઓ-ઉદ્યોગપતિની સલામતીની સામે પણ મોટેા સવાલ જ ખડો થવા પામી જાય તે રીતે અહીના ભરચક વિસ્તારમાં પોલીસતંત્રના નાક નીચે જ ૪૦ લાખની રોકડની મત્તાની લુંટની ઘટના પ્રકાશમાં આવવા પામી ગઈ છે. નોધનીય છે કે, અંજારના પીઆઈ શ્રી સિસોદીયા ખુદ કાયદાનિષ્ઠ અને કડક અધિકારી હોવાની છબી ધરાવી રહ્યા છે તો પછી તેમના તાબાનો સ્ટાફ પોલીસની ધાકને અહી ઓસરવા દઈ રહ્યો છે કે શું? આવો સવાલ એટલા માટે થવા પામી રહ્યો છે કે, અંજાર શહેરમાં ભરચક વિસતારમાં આ રીતે લાખોની મત્તાની લુંટની ઘટના આ કોઈ પહેલી વહેલી નથી. કાયદા અને તેના રક્ષકોને સીધો સીધો પડકાર ફેકતી લુંટની ઘટના આનાથી પણ મોટી વર્ષ ર૦ર૧માં બની જ ચુકી છે અને કમનશીબે તેનો પણ કોઈ જ ઉકેલ પોલીસ શોધી શકી હોય તેવુ કયાંય સામે આવવા પામી શકયુ નથી. યાદ અપાવી શકાય કે, એક વેપારીની આંખમાં મરચાની ભુક્કી નાખી, તેમની કાર, તેમા રહેલ ૬૩ લાખનો થેલો અને તેની પાસે રહેલી સોનાની ચેઈનની લુટ લઈ ફરાર થઈ ગયા હતા. હવે જોવાની વાત એ છે કે તે વખતે મોટા ઉપાડે તપાસના ધમધમાટ દેખાડવામાં આવ્યા હતા પરંતુ આ ઘટનાને આજે ત્રણ વર્ષનો સમય વીતી ગયો છે છતા પણ માત્ર નાની ચીરઈ પાટીયા પાસેથી સ્વીફટ કાર સિવાય કઈજ મળવા પામ્યુ નથી.
૬૩ લાખમાંથી એક રૂપીયો પરત નથી આવ્યો, સોનાની ચેઈન પણ નથી મળી, અને તહોમતદારના સગડના નામે તો માત્ર પ્રયાસ ચાલુ છે, પ્રયાસ ચાલુ છેના જ રટણ થયા. જો તે વખતે જ લુંટને અંજામ આપનારાઓને શોધી અને નશ્યત કરી દેાવયા હોત તો કદાચ મહાવીર ડેવલોપર્સવાળી લુંટની ઘટનાને અંજામ ન અપાયો હોત તેમ પણ જાણકારો કહી રહ્યા છે. હવે જયારે ફરીથી આ લુંટની ઘટનાબની છે ત્યારે પૂર્વ કચ્છ એસપીશ્રી ખુદ આ ઘટનાની તપાસનો દોર હાથમાં લે અને સચોટ માર્ગદર્શન તેમની ટીમને આપે અને ઝડપભેર તેનો ઉકેલ લાવે તે ખુબજ જરૂરી બની રહ્યું છે.
.......
પૂર્વ કચ્છ એસપીશ્રી સાગર બાગમાર અને અંજાર ડીવાયએસપીશ્રી
મુકેશ ચૌધરી ધરાવે છે કડક અને તટસ્થ અધિકારીની છબી....!
ગાંધીધામ : પૂર્વ કચ્છ પોલીસ બેડામા જિલ્લા પોલીસ વડા તરીકે કાર્યભાર સંભાળતાની સાથે જ સાગર બાગમાર દ્વારા પોલીસ પ્રજાનો મિત્ર હોવાની ઉકિતને સાર્થક કરી દેખાડાયું છે. તેઓએ એકતરફ પ્રજાજનો, સિનિયર સિટીઝન, સૌની સાથે સોહાર્દ પોર્ણ સબંધો માટેની નવતર પહેલો કરી અને લોકોનો વીશ્વાસ જીત્યો હતો તો બીજીતરફ કાયદાને લલકારાનારા ભલભલા ચમરબંધીઓને પણ તેઓએ કાયદાનુ ભાન કરાવી દેતા પોલીસ પ્રત્યે પ્રજાજનોનો વિશ્વાસ વધુ મજબુત બની જવા પામ્યો હતો. એ જ રીતે અંજારના યુવા અને ઝડપી ગુનાના ડીટેકશન માટે લોકવિશ્વાસ સંપાદિત કરી ચૂકેલા ડીવાયએસપીશ્રી મુકેશ ચૌધરીની પણ પ્રજાહદયમાં અલગ છબી રહેલી છે. હવે અંજારમાં જયારે અગાઉની ૬ર લાખની લુંટ અને તે પછી ફરીથી ૪૦ લાખની લુંટની ઘટના બનવા પામી ગઈ છે ત્યારે પ્રજાજનો તેઓ ભણી વિશેષ આશ માંડીને બેઠા છે. પોલીસે પ્રજાનો વિશ્વાસ કાયમ છે તે પ્રસ્થાપિત કરી રાખવા માટે આ ગુનાનુ ડીટેકશન ઝડપથી જ કરવુ જોઈએ તેવો મત પ્રસરવા પામી રહ્યો છે.
.........
અંજારમાં ૪૦ લાખની લૂંટ કેસનો ભેદ ઉકેલવા છ ટીમો બનાવાઈ
કેમેરામાં કેદ થયેલા ચાર શખ્સો ઉપરાંત પડદા પાછળની ભૂમિકામાં રહેલા અન્ય શખ્સોની પણ છાનબીન શરૂ કરાઈ : મહાવીર ડેવલોપર્સના કર્મચારી કારમાં થેલો રાખતા હતા ત્યારે રેકી કરીને ત્રાટકેલા લૂંટારૂઓ ઝપાઝપી કરી ઘટનાને આપ્યો અંજામ : ટુંક સમયમાં ઘટનાનો ભેદ
સીસીટીવી ફુટેજમાં જે રીતે સબંધિત પેઢીનો કર્મચારી રોકડનો થેલો લુંટારૂઓના હાથમાં આપી રહ્યો છે, અને ઝપ્પાજપ્પી અથવા તો મારામારી કરાય તે પહેલા જ સ્થળ મુકીને ભાગી જાય છે તે જોતા કયાંક ને કયાંક આ લુંટની ઘટનામાં મહાવીર ડેવલોપર્સના કોઈ કર્મચારીની તો સંડોવણી
નથી ને? : તપાસનીશ પોલીસ આ દીશામાં તપાસ કરે તો બધુ જ હાથ લાગી જાય..!
અંજાર : પૂર્વ કચ્છમાં પરપ્રાંતિય વસ્તી બાદ ગુનાખોરીમાં વધારો થઈ રહ્યો છે. અવારનવાર મારામારી, હત્યા સહિતના ગંભીર બનાવો બનતા હોય છે. નાની-નાની લૂંટ, સ્નેચીંગની ઘટના રોજીંદી બની છે ત્યાં હવે આરોપીઓ ફિલ્મી સ્ટાઈલમાં લૂંટને અંજામ આપી રહ્યા છે. ગઈકાલે ગાંધીધામના મીઠીરોહરમાં ટ્રકના ડ્રાઈવર - ક્લિનરને લુંટી લેવામાં આવ્યો હતો. તે બાદ ભચાઉમાં પણ લૂંટની ઘટના પ્રકાશમાં આવી હતી. આ ઓછું હોય તેમ ગઈકાલે સાંજે અંજારના ધમધમતા વિસ્તારમાં છરીની અણીએ ૪૦ લાખની સનસનીખેજ લૂંટ થતા દોડધામ મચી ગઈ છે. આ અંગેની વિગતો મુજબ અંજારની મિસ્ત્રી કોલોનીમાં શાળા નં. ૩ ની નજીક આવેલ મહાવીર ડેવલોપર્સના બે કર્મચારી થેલામાં ૪૦ લાખની રોકડ ભરી આ થેલો ગાડીમાં રાખવા જતા હતા ત્યારે બે બાઈક પર ચાર બુકાનીધારી શખ્સો આવ્યા અને છરી બતાવી કર્મચારીઓની સાથે ઝપાઝપી કરી થેલો ઝુંટવીને ભાગી ગયા હતા. સમગ્ર ઘટના કેમેરામાં કેદ થઈ હતી. જેમાં ર૪ સેકન્ડમાં ૪૦ લાખની લૂંટને અંજામ આપવામાં આવ્યો હતો. સનસનીખેજ લૂંટની જાણ થતા પૂર્વ કચ્છ એસપી સાગર બાગમાર, એલસીબી પીઆઈ નારણ ચુડાસમા, અંજાર પીઆઈ શૈલેન્દ્રસિંહ સીસોદીયા સહિતના ઘટના સ્થળે દોડી ગયા હતા. ગુનો દાખલ કરીને ભેદ ઉકેલવા માટે અલગ અલગ છ ટીમો બનાવવામાં આવી છે.
ત્યારે જાણકારો કહી રહયા છે કે આ ઘટનામાં જાણભેદુ હોય તેવું પ્રાથમીક તબકે તપાસમાં સામે આવતુ હોવાનુ બીનસતાવાર માની રહયા છે. તો બીજી તરફ પોલીસ આરોપીઓની નજીક પહોંચી છે પણ તપાસના હિતમાં વધુ વિગતો જાહેર કરવામાં આવી નથી. આરોપીઓની સત્તાવાર ધરપકડ અને મુદ્દામાલ રિકવરીને પ્રાથમિકતા અપાઈ છે.
...........
Comments