કચ્છ કલેકટર કરે ત્વિરત લાલઆંખ : ગાંધીધામના પેટ્રોલપંપ પાસેના ફનબ્લાસ્ટને કરાવો કાયમી તાળાબંધી નહી તો હાઈકોર્ટ તમારી પણ ઝાટકણી કાઢશે?
આ દુર્ઘટના નહી પણ હત્યા છે? જો જો હાઈકોર્ટ તમને કયાંક આવી ન લગાવે ફટકાર
અંજારના પ્રાંત અધિકારી અને જીડીએના સેક્રેટરીશ્રી સુનીલ સોલંકીને સચોટ માર્ગદર્શન આપી, પેટ્રોલપંપની બાજુમાં ધમધમતા અને શરૂ કરાયેલા ગેમઝોનને કાયમી પરવાનગી રદ કરવા આપો દીશા-નિર્દેશ
ફાયર સેફટીનો અભાવ, એનઓસી નહી, મંજુરીઓ મેળવાઈ છે કે પછી લાલીયાવાડી જ હતી,
ઈન-આઉટ ગેટ એક જ રાખવા સહિતના મામલે પણ મોટી ચુક, આ બધાય વચ્ચે ફરીથી થોડા દીવસ બાદ જો અહી ફનબ્લાસ્ટ ગેમજોન ચાલુ થઈ જવા પામશે તો ભવિષ્યમં પણ ચોકકસથી મોટી હોનારત સર્જાશે : જીડીએ પણ આ બાબતે કડકાઈથી મંજુરીઓ-રીપોર્ટની કરે ચકાસણી અને આવી રીતે ગેમઝોનને મંજુરી આપવા બદલ લાપરવાહોની સામે પણ લાલઆંખ કરતી કાર્યવાહી કરી દેખાડે
ગાંધીધામ : રાજકોટના અગ્નિકાંડને લઈને ગુજરાત હાઈકોર્ટે રાજય સરકારની કડકમાં કડક શબ્દોમાં જાટકણી કાઢી નાખી છે. આજ રોજ સુઓમોટો મામલે સુનાવણીમાં હાઈકોર્ટે સરકારને સુણાવી દીધુ છે કે, અમને સરકારની મશીનરી પર હવે એક ટકાનો પણ વિશ્વાસ નથી રહ્યો છે. આ દુર્ઘટના નથી, હત્યા જ કરવામા આવી છે. જયારે જયારે આ ગેમઝોન બાબતેની સરકારીનીતી નિયમોની અમલવારી કરવાની થતી હતી ત્યારે ત્યારે સરકારી તંત્ર, વિભાગો, ઉચ્ચ અધીકારીઓ કયા હતા? શું કરી રહ્યા હતા? જયારે રાજકોટના ઉચ્ચ અધિકારીઓ આ ગમઝોનમાં રમવા જતા હતા , તે વખતે સરકાર કયાં સુતી હતી? રાજકોટ અગ્નીકાંડને લઈને આજે જયારે કડક શબ્દોમાં હાઈકોર્ટે લાલઆંખ કરી છે ત્યારે જાણકારો કહી રહ્યા છે કે, તે વખતના રાજકોટના મ્યુ.કમિશ્નરશ્રી અને કચ્છના વર્તમાન કલેકટરશ્રી અમિત અરોરા પણ હાઈકોર્ટે કાઢેલી સરકારની ઝાટકણી અને તે વખતના અધિકારીનો જે ઉલ્લેખ કરીને સવાલો પુછયા છે તેવી જ સ્થિતી કચ્છ અને ગાંધીધામમાં પણ ગેમઝોન સહિતના ફાયરસેફટીના વિષયોને લઈને ચાલતી લાલીયાવાડીઓ મુદ્દે કડકમાં કડક કાર્યવાહી અત્યારથી જ કરી દે તે સમયનો તકાજો બની રહ્યો છે. ખાસ કરીને ગાંધીધામ સંકુલમાં ઓમ સીેનેપ્લેકસ જેવાભરચક વિસ્તારમાં પેટ્રોલપંપની તદન નજીકમાં ધમધતા ફન બ્લાસ્ટ ગેમઝોનને લઈને અને તેની મંજુરીઓ ફેરવિચારણાઓ કરવી જોઈએ અને આવા ગેમજોનને કાયમી ધારેણે જ અહીથી તાળાબંધી કરી અને દુર રીમોર્ટ સ્થળે તમામ નીતી નિયમો સાથે ખસેડવો જોઈએ. પરંતુ હાલમાં તો તેને સીલ મારી દઈ અને કાયમી ધોરણે અહી પેટ્રોલપંપ, રહેણાક અને સિનેમા જેવા ભરચક વિસ્તારની બાજુમાં મંજુરી આપવા પાત્ર બનતી જ નથી તેવી કડક અને નશ્યત કરતી લાલઆંખ કરી દેખાડવી જોઈએ તેવી માંગ કરવામાં આવી રહી છે.
...........
ટાગોર રોડ પર આવેલ હોટલો -ટોકીઝ-ગેરેજ સહિતના ગેરકાયદેસર દબાણોની કરો ચકાસણી
રામબાગ રોડ પર પણ સુંદરપુરીથી લઈ અને આદિપુર પ્રભુદર્શન હોલ સુધીમાં પણ આડેધડ દબાણો ખડકી દીધા છે, મોટાભાગના રહેણાંક પ્લોટ પર કોમર્શિયલ બાંધકામો ધમધમી રહ્યા છે? કોના બાપની દિવાળી?
ગાંધીધામ : હાલમાં જયારે સેફટી નિયમો અને આમપ્રજાજની સલામતીને લઈને ગાંધીધામમાં ટીમો ઉતરી છે ત્યારે તે તપાસ માત્ર ગેમીંગ ઝોન પુરતી જ સીમીત ન રહે પરંતુ ટાગોર રોડ પર જેટલા પણ હોટલો-રેસ્ટોરેન્ટ, ટોકીઝ-થિયેટર, ગેરેજ સહિતનું આવેલ છે તે મોટાભાગના દબાણો જ હોવાનુ કહેવાય છે. કેમ પ્રાંત અધિકારી, મામલતદાર, નગરપાલિકા, આર એન્ડ બી, પોલીસ સહિતનાઓ આ તમામના બાબતે પણ સામુહીક ચકાસણીઓ કર અને તવાઈ નથી બોલાવતા? રહંઠાણ વિસ્તાર હાવા છતા પણ અહી મોટી મોટી હોટલો, મહાકાય ગેરેજો ધમધમી રહ્યા છેો કેમ સત્તાવાળા કોઈ પગલા જ લેતા નથી? આ ઉપરાંત સુંદરપુરીથી કરી અને આદિપુર પ્રભુદર્શન સુધીના રામબાગ રોડ સહિતના વિસ્તારોમાં પણ આ જ સ્થિતી છે. રહેણાકના મંજુર થયેલા પ્લોટસમાં કૌમર્શીયલ પ્રવૃતીઓ અહી ધમધમી રહી છે.
..........
પ્રાંતની સુચના બાદ ગાંધીધામમાં ટીમો દોડતી થઈ
આજે બપોર સુધીમાં પ્રાંતશ્રીને ગેમઝોનના રીપોર્ટ કરાશે સબમીટ : બાદમાં પ્રાંત અધિકારી કક્ષાએથી લેવાશે પગલા
પેટ્રોલપંપ પાસે ગેમઝોન બાબતે પણ ચોકકસથી વધારે જીણવટભરી તપાસ કરીશુ : મામલતદારશ્રી ગાંધીધામ
ગાંધીધામ : રાજકોટ અગ્નિકાંડને લઈને ગાંધીધામ સંકુલમાં પણ દોડધામ મચી જવા પામી હતી. ગઈકાલે પ્રાંત અધીકારીએ સબંધિત વિભાગના અધિકારીઓની બેઠક બોલાવી હતી અને સૌને ગેમઝોન તથા ફાયર સેફટી મામલેની તપાસ કરવાના આદેશ આપ્યા હતા. જે બાદ ગઈકાલે જ ગાંધીધામ મામલતદારશ્રીના નેતૃત્વ અને દેખરેખ હેઠળ એક ટીમ બનાવાઈ છે. આ બાબતે ગાંધીધામ મામલતદારશ્રી પરમારને પુછતા તેઓએ કહ્યુ હતુ કે, પ્રાંત શ્રીની બેઠક બાદ એક ટીમ બનાવી સર્વેની સુચના અપાઈ હતી. જેનુ ગઠન ગઈકાલે જ કરી દેવાયુ હતુ. એક પેાલીસકર્મી, એક જીડીએ સભ્ય, એક ફાયર સેફટી, પીજીવીસીએલ, મામલતદારશ્રીના એક સભ્યનોટીમનો સમાવેશ થવા પામી રહ્ય છે. સર્વે ચાલુમાં છે. આજે પ્રાંતશ્રીને બપોર સુધીમાં તપાસ અહેવાલ સોપીશુ જે બાદ તેઓ કક્ષાએથી જ પગલા ભરવામાં આવશે તેમ શ્રી પરમારે કહ્યુ હતુ.
..........
ભુજ-અંજાર-ગાંધીધામ-કંડલામાં ભંગારના વાડાઓની પૂર્વ-પશ્ચીમ કચ્છ પોલીસ કેમ ન કરે તપાસણીઓ....!
ગાંધીધામ : રાજકોટમાં અગ્નિકાંડની બનેલી ગંભીર ઘટના બાદ હવે ઠેર ઠેર તપાસની વાતો થઈ રહી છે પરંતુ કંડલા-ગાંધીધામ-અંજાર-ભુજ સહિતના વિસ્તાોમાં પણ જે ગેરકાયદસર રીતે ભંગારના વાડાઓ ધમધમમી રહ્યા છે તેની પણ પોલીસતંત્ર દ્વારા ક્રોસ તપાસણીઓ કરવી જોઈએ. કારણ કે, ભુજમાં પણ અગાઉ ભંગારના કચરા વીણનારાઓ દ્વારા લોખંડ સમજીને ધણ મારી દેતા બ્લાસ્ટની ઘટનાઓ બનવી અને તેમાં લોકો જીવતા ભુંજાઈ ગયાની ઘટનાઓ બની જ ચુકી છે. આ ભંગારના વાડાઓને પણ બંધ કરાવી દેવા જોઈએ.
.........
ફન બ્લાસ્ટ સાથે ફન ગેલેરી-ગેમબોક્ષમાં પણ છે
લોલમલોલ : આ રહ્યુ..! રીયાલટી ચેક!
ગાંધીધામ : ગાંધીધામ સંકુલમાં ફન બ્લાસ્ટ ઉપરાંત ફન ગેલેરી, ગેમબોક્ષ સહિતના ગેમીગ ઝોન આવેલા છે. જાણકારોના મતે અહી પણ ફાયર સેફટીના નામે લોલમલોલ જ ચાલી રહ્યુ છે. અહી ઈન એન્ડ આઉટ ગેટ એક જ રાખવામા આવ્યો છે. ફાયર ઈન્સટીગયુશ લાગેલા છે પણ શોભાના ગાંઠીયા જ બનેલા છે. અહી તેનુ જોડાણ કયાંય કોઈની સાથે આપેલ જ નથી. ફન ગેલેરીમાંથી ફાયર સેફટી ઈન્સટીગયુશર જ લગાવાયેલા નથી. હવે અહી રાજકોટ જેવી ઘટના બને તેની જ જાણે કે ઈતેજારી હોય તેમ જોવા મળી રહ્યું છે. શહેરના ગુરૂકુળ વિસ્તારમાં પણ ગેમબોક્ષ ધમધમી રહ્યો છે પરંતુ અહી પણ ફાયર સુવિધાઓ દેખાતી જ ન હોવાનુ સ્થળ પર જોનારાઓ જ કહી શકે છે. તંત્ર આ બધાની કડક તપાસ કરે.
.........
ગેમીંગ ઝોનવાળા કેવી પોલમપોલ ચલાવી રહ્યા છે તેનો દાખલો ગાંધીધામમાં જોવા મળી આવ્યો છે. અહી ગેમ બોક્ષમાં ફાયર સેફટીનું લાયન્સ એકસપાયર થઈ જવા પામ્યુ છે છતા તેને રીન્યુ કરવાની કે તેને રીન્યુ કરીને અહી લગાવવાની પણ તસ્દી નથી લીધી. ઉપરોકત તસવીરમાં તારીખો જોઈ શકાય છે.
..........
કચ્છનું શિક્ષણતંત્ર સત્ર પહેલા ફાયર સેફટીની કેમ ન કરે આગોતરી તપાસ?
ગાંધીધામ : ગેમઝોનમાં જયારે રાજકાટેમાં કરૂણાતીંકા બની જવા પામી ગઈ છે ત્યારે હવે શાળાઓ-શિક્ષણ આપતી સંસ્થાઓમાં પણ ફાયર સેફટીનું ઓડીટ જિલ્લા શિક્ષણ વિભાગ તરફથી કેમ કરવામાં નથી આવતુ? હકીકતમાં કેટલી શાળાઓમાં ફાયર એનઓસી છે, ફાયર ઉપકરણો કેવા કેવા કામ કરી રહ્યા છે? તે મામલે જિલ્લા શિક્ષણ વિભાગે પણ ત્વરિત કડક કાર્યવાહી કરવી
જોઈએ.
..........
Comments