ધો. ૧૦ બોર્ડ પરીક્ષા : કચ્છનું ૮પ.૩૧ ટકા પરિણામ
એ-૧ ગ્રેડમાં ૪ર૩ વિદ્યાર્થીઓને સ્થાન : જિલ્લામાં સૌથી વધુ બાલાસર કેન્દ્રનું ૯૮.૪૪ ટકા પરિણામ : જિલ્લાના તમામ કેન્દ્રોમાં સૌથી નીચું ખાવડા કેન્દ્રનું ૬૪.પ૦ ટકા પરિણામ : જિલ્લા શિક્ષણાધિકારીએ વિદ્યાર્થીઓને આપ્યા અભિનંદન
ગત વર્ષની સરખામણીમાં ૧૬.૬૦ ટકા ઉંચું પરિણામ : જિલ્લામાં ૧૦૦ ટકા પરિણામ મેળવનારી શાળાઓની સંખ્યા ૧૦૦ : ત્રણ શાળાઓમાં એક પણ છાત્ર ઉત્તિર્ણ ન થયો : કચ્છ જિલ્લો રાજ્યમાં ૧૯માં ક્રમે
ભુજ : વિદ્યાર્થી કાળની સર્વપ્રથમ બોર્ડ પરીક્ષાનું કારકીર્દી ઘડતરમાં સવિશેષ મહત્વ રહેલું છે. ધો. ૧૦ના પરિણામ પરથી ઉચ્ચ અભ્યાસની રાહ નિર્ધારીત થતી હોય છે. સમગ્ર વર્ષ દરમ્યાન વિદ્યાર્થીઓએ કરેલી તનતોડ મહેનત અને સખ્ત પરિશ્રમની ફળશ્રુતિ રૂપે મળેલ પરિણામ ઉજ્જવળ ભવિષ્ય માટેની તકોનું નિર્માણ કરે છે. ગુજરાત માધ્યમિક અને ઉચ્ચત્તર માધ્યમિક શિક્ષણ બોર્ડ દ્વારા માર્ચ ૨૦૨૪ માં લેવાયેલી ધોરણ-૧૦ ની બોર્ડ પરીક્ષાનું આજરોજ પરીણામ જાહેર કરવામાં આવ્યું છે. જાહેર થયેલા પરિણામોમાં કચ્છ જિલ્લાનું ૮પ.૩૧ ટકા પરિણામ આવ્યું છે. જિલ્લામાં ચાલુ સાલે ૪ર૩ વિદ્યાર્થીઓ એ-૧ ગ્રેડ પ્રાપ્ત કરવામાં સફળ થયા છે.
આ અંગેની વિગતો મુજબ ધો. ૧૦ની પરીક્ષામાં કચ્છ જિલ્લામાં કુલ્લ ૧૮૮પ૬ વિદ્યાર્થીઓ નોંધાયા હતા. જેમાંથી ૧૮૭૪૧ છાત્રોએ પરીક્ષા આપી હતી જ્યારે આજરોજ જાહેર થયેલા પરિણામમાં ૧પ૯૮૮ વિદ્યાર્થીઓ ઉત્તિર્ણ થતા જિલ્લાનું ૮પ.૩૧ ટકા પરિણામ રહ્યું છે. કચ્છ જિલ્લાના આજે જાહેર થયેલા પરિણામમાં સૌથી ઉચું બાલાસર કેન્દ્રનું ૯૮.૪૪ ટકા પરિણામ રહ્યું છે જ્યારે કચ્છમાં સૌથી નીચુ ભુજ તાલુકાના ખાવડા કેન્દ્રનું ૬૪.પ૦ ટકા પરિણામ આવ્યું છે.
આજે સવારે ૮ કલાકે ગુજરાત બોર્ડની વેબસાઈટ પર પરિણામ ઓનલાઈન જાહેર કરવામાં આવ્યું હતું. દર વર્ષની મુજબ આ વર્ષે પણ પરિણામ ઓનલાઈન જાહેર કરાયું છે પરંતુ શાળાઓમાંથી પરિણામ પત્રક હવે મળવાનું હોઈ શાળાઓમાં વિદ્યાર્થીઓ જોવા મળ્યા ન હતા. આજે સવારથી વિદ્યાર્થીઓ અને વાલીઓ જેની ઉત્કંઠા પૂર્વક રાહ જોઈ રહ્યા હતા તે ધો. ૧૦નું પરિણામ ૮ વાગ્યે જાહેર કરાતા પરિણામ જાણીને વિદ્યાર્થીઓ તેમજ વાલીઓમાં ઉત્સાહ જોવા મળ્યો હતો.ધો. ૧૦ના જાહેર થયેલા પરિણામ સંદર્ભે ઈન્ચાર્જ કચ્છ જિલ્લા શિક્ષણાધિકારી ભુપેન્દ્રસિંહ વાઘેલાએ કચ્છઉદય સાથે વાતચીત કરતા જણાવ્યું કે, રાજ્યનું ૮ર.પ૬ ટકા પરિણામ રહ્યું જ્યારે કચ્છનું ૮પ.૩૧ ટકા પરિણામ આવ્યું હોઈ બોર્ડની તુલનાએ તે ખુબ જ સારૂં છે. એ-૧ ગ્રેડમાં પણ ૪ર૩ જ્યારે એ-ર ગ્રેડમાં ૧૯૯ર વિદ્યાર્થીઓએ સ્થાન પ્રાપ્ત કર્યું છે. વિદ્યાર્થીઓને તનતોડ મહેનત કરી સારૂં પરિણામ પ્રાપ્ત કરી કચ્છનું ગૌરવ અપાવનાર તેમજ ઉત્તિર્ણ થયેલા તમામ છાત્રોને અભિનંદન - શુભેચ્છાઓ પાઠવી હતી.
.......
વાગડ ફરી આગળ : ૧૦માં બોર્ડમાં રાપરની દીકરી યેશાનો ડંકો
રાજયભરમાં મેળવ્યો છઠ્ઠો ક્રમ : ઠેર-ઠેરથી અભિનંદન વર્ષા
મુળ રાપરના વતની હાલ અમદાવાદમાં બિલ્ડર ક્ષેત્રમાં સેવારત અનિલ મહેતાની પુત્રીએ મેળવી અનોખી સિદ્ધી : એવન ગ્રેડ સાથે થઈ ઉતિર્ણ : નિરંજના પંકજ મહેતા શાળામાં ધો.૧થી ૬ સુધીનો કર્યો છે અભ્યાસ
ગાંધીધામ : આજરોજ ધો.૧૦નું પરીણામ જાહેર થવા પામયું છે. કચ્છમાં કેન્દ્રવાર પરીણામમાં રાપરના બાલાસર કેન્દ્રનુ સોથી વધુ પરીણામ અવ્યુ છે તો વળી રાજયમાં પણ મુળ રાપરની વતની એવી અમદાવાદ અભ્યાસર્થે સ્થાયી થયેલ યેશાએ પણ રાજયભરમાં છઠ્ઠો ક્રમાંક મેળવી કચ્છ-રાપરનો ડંકો ગજવી દીધો છે. આ અંગે મળતી માહીતી અનુસાર ધોરણ ૧૦માં અમદાવાદમાં રાપર નુ ગૌરવ વધારતી વિધાર્થીની રાજયમા છઠ્ઠા નંબર પર ઉત્તિર્ણ થઈ છે. મુળ રાપરના વતની અને હાલ અમદાવાદમાં બિલ્ડર લાઇન મા જોડાયેલા અનિલ હેમચંદ મહેતા ની પુત્રી યેશા અમદાવાદ ખાતે અભ્યાસ કરે છે અને તેણીએએક થી છ સુધી રાપર ની નિરંજના
પંકજ મહેતા સ્કૂલ મા અભ્યાસ કર્યો હતો.યેશા ઠકકર દ્વારા મેળવાયેલી સિદ્ધી બદલ તેના પર ઠેરઠેરથી અભિનંદન વર્ષા થવા પામી રહી છે. તદુપરાંત રાપર ની એન.પી.મહેતા સ્કૂલ મા અભ્યાસ કરતા હેત પ્રકાશભાઈ ઠક્કરને પી.આર.૯૭.૫૧,દાવડા મમતા કેતન ભાઈ એ ૯૮.૯૯,મહેતા શૈવલ વિપુલ ભાઈ એ ૯૮.૯૦., તો વળી .સરસ્વતી કન્યા વિદ્યાલય મા અભ્યાસ કરતી વિદ્યાર્થીની ભ્રાસડીયા હરસિતા ભચુભાઈ એ ૯૩.૦૦ નંબર મેળવી એ વન મા આવ્યા હતા ઉપરાંત રાપર સરકારી હાઇસ્કૂલ મા એક તથા રાપર તાલુકા ની અન્ય શાળામાં અભ્યાસ કરતા વિદ્યાર્થીઓ અને વિદ્યાર્થીનીઓ એ પણ સારા માર્કસ મેળવી એ વન મા નંબર મેળવ્યો છે.
........
રાજયબોર્ડના પ્રમાણમાં કચ્છનું પરિણામ સારૂ છે,
ટીમ કચ્છ શિક્ષણજગતને અભિનંદન : શ્રી ભુપેન્દ્રસિંહ
ઈન્ચાર્જ જિલ્લા શિક્ષણાધીકારીએ કચ્છઉદય સાથે કરી ખાસ વાતચીત
ભુજ : ધો. ૧૦ના જાહેર થયેલા પરિણામ સંદર્ભે ઈન્ચાર્જ કચ્છ જિલ્લા શિક્ષણાધિકારી ભુપેન્દ્રસિંહ વાઘેલાએ કચ્છઉદય સાથે વાતચીત કરતા જણાવ્યું કે, રાજ્યનું ૮ર.પ૬ ટકા પરિણામ રહ્યું જ્યારે કચ્છનું ૮પ.૩૧ ટકા પરિણામ આવ્યું હોઈ બોર્ડની તુલનાએ તે ખુબ જ સારૂં છે. એ-૧ ગ્રેડમાં પણ ૪ર૩ જ્યારે એ-ર ગ્રેડમાં ૧૯૯ર વિદ્યાર્થીઓએ સ્થાન પ્રાપ્ત કર્યું છે. વિદ્યાર્થીઓને તનતોડ મહેનત કરી સારૂં પરિણામ પ્રાપ્ત કરી કચ્છનું ગૌરવ અપાવનાર તેમજ ઉત્તિર્ણ થયેલા તમામ છાત્રોને અભિનંદન - શુભેચ્છાઓ પાઠવી હતી. ઈન્ચાર્જ જિલ્લા શિક્ષણાધીકારીશ્રીએ સમગ્ર ટીમ કચ્છ શિક્ષણ જગતને અભિનંદન આપવાની સાથોસાથ જ એવન ગ્રેડ ઉપરાંત કચ્છનુ ઉજળુ પરીણામ લાવનારા સૌ કોઈ વિદ્યાર્થીઓને પણ આ તબક્કેથી વિશેષ અભિનંદન આપી અને ભાવી અભ્યાસ માટેની શુભકામનાઓ પાઠવી હતી.
........
જિલ્લાનું ગ્રેડ વાર પરિણામ
ગ્રેડ સંખ્યા
એ-૧ ૪૨૩
એ-ર ૧૯૯૨
બી-૧ ૩૩૩૦
બી-ર ૪૩૩૩
સી-૧ ૩૯૧૪
સી-ર ૧૮૮૫
ડી ૧૦૯
.......
સરકારી શાળાનું પરિણામ સુધર્યું
બોર્ડ દ્વારા જાહેર કરવામાં આવેલા પરિણામ જોતા આ વખતે કચ્છમાં ૧૬.૬૦ ટકાનો વધારો જોવા મળ્યો છે. ૧૦૦ ટકા પરિણામ લાવનારી ૧૦૦ જેટલી શાળા છે. તેમજ ૩૦ ટકાથી ઓછું પરિણામ આવ્યું હોય તેવી માત્ર પાંચ શાળા અને જીરો ટકા પરિણામવાળી ત્રણ શાળા છે. ગત વર્ષની તુલનાએ પરિણામમાં ઉછાળો આવ્યો છે. જેની સામે શાળાઓમાં પરિણામ સુધર્યું છે. ખાનગી શાળાની તુલનાએ સરકારી શાળામાં આ વર્ષે શિક્ષકો દ્વારા કરાયેલી મહેનત, જિલ્લા શિક્ષણાધિકારીની કચેરી દ્વારા કરાતું પ્રીબોર્ડ એક્ઝામીનેશનના આયોજનના કારણે સરકારી શાળામાં પરિણામ ઉંચુ લાવવામાં સફળતા મળી છે. છેવાડાનો વિસ્તાર ગણાતા બાલાસર કેન્દ્રનું ૯૮.૪૪ ટકા પરિણામ આવ્યું છે. જે સારા શિક્ષણની સાક્ષી પુરે છે. ધો.૧ર સામાન્ય પ્રવાહમાં આખા રાજ્યમાં સૌથી ઓછું પરિણામ ખાવડા કેન્દ્રનું હતું. જોકે, ધો.૧૦ માં અહીં ૬૪.પ૦ ટકા પરિણામ આવ્યું છે.
..........
સરકારી શાળાનું પરિણામ સુધર્યું
બોર્ડ દ્વારા જાહેર કરવામાં આવેલા પરિણામ જોતા આ વખતે કચ્છમાં ૧૬.૬૦ ટકાનો વધારો જોવા મળ્યો છે. ૧૦૦ ટકા પરિણામ લાવનારી ૧૦૦ જેટલી શાળા છે. તેમજ ૩૦ ટકાથી ઓછું પરિણામ આવ્યું હોય તેવી માત્ર પાંચ શાળા અને જીરો ટકા પરિણામવાળી ત્રણ શાળા છે. ગત વર્ષની તુલનાએ પરિણામમાં ઉછાળો આવ્યો છે. જેની સામે શાળાઓમાં પરિણામ સુધર્યું છે. ખાનગી શાળાની તુલનાએ સરકારી શાળામાં આ વર્ષે શિક્ષકો દ્વારા કરાયેલી મહેનત, જિલ્લા શિક્ષણાધિકારીની કચેરી દ્વારા કરાતું પ્રીબોર્ડ એક્ઝામીનેશનના આયોજનના કારણે સરકારી શાળામાં પરિણામ ઉંચુ લાવવામાં સફળતા મળી છે. છેવાડાનો વિસ્તાર ગણાતા બાલાસર કેન્દ્રનું ૯૮.૪૪ ટકા પરિણામ આવ્યું છે. જે સારા શિક્ષણની સાક્ષી પુરે છે. ધો.૧ર સામાન્ય પ્રવાહમાં આખા રાજ્યમાં સૌથી ઓછું પરિણામ ખાવડા કેન્દ્રનું હતું. જોકે, ધો.૧૦ માં અહીં ૬૪.પ૦ ટકા પરિણામ આવ્યું છે.
કેન્દ્ર નોંધાયેલા બેઠા પાસ ટકાવારી
બાલાસર ૧૩૦ ૧૨૮ ૧૨૬ ૯૮.૪૪
ઝરપરા ૧૮૭ ૧૮૬ ૧૭૭ ૯૫.૧૬
કોડાયપુલ ૨૭૧ ૨૭૦ ૨૫૩ ૯૩.૭૦
ભુજોડી ૨૩૩ ૨૩૨ ૨૧૩ ૯૧.૮૧
કુકમા ૨૬૪ ૨૬૨ ૨૩૯ ૯૧.૨૨
માધાપર ૪૬૮ ૪૬૭ ૪૨૬ ૯૧.૨૨
ફતેહગઢ ૧૭૦ ૧૬૭ ૧૫૨ ૯૧.૦૨
માનકુવા ૨૯૬ ૨૯૬ ૨૬૮ ૯૦.૫૪
મોથાળા ૧૪૧ ૧૪૧ ૧૨૭ ૯૦.૦૭
ભુજ ૨૪૯૫ ૨૪૯૧ ૨૨૨૯ ૮૯.૪૮
કેરા ૩૬૩ ૩૬૨ ૩૨૩ ૮૯.૨૩
કટારીયા ૧૫૮ ૧૫૬ ૧૩૯ ૮૯.૧૦
માંડવી ૧૨૦૧ ૧૧૮૭ ૧૦૪૫ ૮૮.૦૪
આદીપુર ૧૫૩૬ ૧૫૩૦ ૧૩૩૦ ૮૬.૯૩
ઢોરી ૨૨૧ ૨૨૧ ૧૯૨ ૮૬.૮૮
રાપર ૭૬૭ ૭૬૦ ૬૫૭ ૮૬.૪૫
રતનાલ ૨૪૬ ૨૪૩ ૨૧૦ ૮૬.૪૨
ભુજપુર ૨૧૯ ૨૧૯ ૧૮૯ ૮૬.૩૦
વિથોણ ૧૫૯ ૧૫૯ ૧૩૭ ૮૬.૧૬
બિદડા ૨૦૪ ૨૦૨ ૧૭૪ ૮૬.૧૪
મુન્દ્રા ૯૩૫ ૯૨૮ ૭૯૯ ૮૬.૧૦
કોટડા (જ.) ૨૬૧ ૨૬૦ ૨૨૨ ૮૫.૩૮
નખત્રાણા ૪૪૮ ૪૪૬ ૩૭૮ ૮૪.૭૫
ગાંધીધામ ૨૧૫૮ ૨૧૧૨ ૧૭૮૨ ૮૪.૩૮
ભચાઉ ૭૭૬ ૭૭૬ ૬૪૬ ૮૩.૨૫
અંજાર ૧૭૦૬ ૧૬૯૭ ૧૪૦૫ ૮૨.૭૯
ગઢશીશા ૫૨૮ ૫૨૬ ૪૩૫ ૮૨.૭૦
પાન્ધ્રો ૧૫૯ ૧૫૯ ૧૨૮ ૮૦.૫૦
નલીયા ૩૩૩ ૩૨૬ ૨૫૮ ૭૯.૧૪
સામખિયાળી ૩૪૫ ૩૪૦ ૨૬૮ ૭૮.૮૨
ગાગોદર ૧૭૫ ૧૭૫ ૧૩૬ ૭૭.૭૧
આડેસર ૧૯૪ ૧૯૪ ૧૫૦ ૭૭.૩૨
કોઠારા ૨૫૭ ૨૫૩ ૧૮૪ ૭૨.૭૩
દયાપર ૨૯૪ ૨૯૩ ૨૧૩ ૭૨.૭૦
મનફરા ૧૯૯ ૧૯૯ ૧૪૦ ૭૦.૩૫
લાકડીયા ૧૫૯ ૧૫૮ ૧૦૯ ૬૮.૯૯
ખાવડા ૨૦૦ ૨૦૦ ૧૨૯ ૬૪.૫૦
કુલ્લ ૧૮૮પ૬ ૧૮૭૪૧ ૧પ૯૮૮ ૮પ.૩૧
.......
Comments